2017 年既書展活動將會由聽日到下星期二開始舉行。 今日有個優先接待傳媒人仕既記者會同埋小小導賞團。 好好彩，書僮Isaac 都受到邀請，可以參加呢一個活動，可以預先了解更多書展既內容。呢個Post我就唔打算講關於書展既活動致略或者係省錢方法等資訊（因為其他post一定做得比我地好。）反而我想分享少少有關香港既出版商／編輯，等大家可以到時留意下香港出既書，其實都好唔錯同埋有質素。
香港出版雙年獎
根據官網，呢個獎設立既目的為：
為行業設立具公信力、認受性、權威性與有價值的出版專業獎項。
呢個獎設立既主要針對對象係出版商，被選中既作品都係編寫上具多元創意，有豐富出版價值及本土特色，對社會有深遠影響既作品。
其實香港真係有好多有心、有水準既書，佢地未必有鋪天蓋地既口碑同埋宣傳所以較少比人發現，但係佢地既水平絕對唔比台灣或者外國書差。呢一批得獎既書，將會展示係19–25吧期間係 Hall 3E 門外展出。
有興趣既話，去睇一睇，支持本土。
得獎作品名單: http://www.hkpba.org/award/6
香港書籍及印刷獎項
由香港出版總會建議，為大家選出唔同既書，提供一個參考，睇下唔同社群或者係唔同分類既獎項入面，邊D 書係有人推介同埋拿獎的。
係中學生龍虎榜度見到上榜既書都係由作家、校長、老師同學生既推薦，再加上委員會所選出。 我不禁諗，中學生好書龍虎榜，點解唔係由同學選出，而係由咁多方一齊去選出？ 比如'自願被吃的豬’，到底係中學生推薦定係由校長推薦呢？ 腦細林日曦既木獨我就覺得係學生推介。
當然，呢個榜沒再詳細講更多選書條件同埋評審機制，所以難免有少少令我未必理解到點解呢幾本書會拿獎。
不過，我覺得上面既書都係正路同埋有質素，所以參考下去為小朋友去揀書都係唔錯。
呢篇文介紹既資訊都係相對香港一點，因為今日我都係去左呢幾個area，由於場館入面既書商正在努力中，所以我就唔入去打擾，黎緊幾日我都會繼續再去書展，大家如果去的話不妨留意下我既足跡，睇下有沒機會相遇。
最後，Sparktake 最近亦推出一個全新Function 就係：書展交流。 我地一反傳統，想為大家提供一個完全由用家導向既討論同資訊區。 大家可以係Sparktake App 入面，分享有關書展既資訊，比如有邊個區域值得一去、你買左咩書、邊個作家同你影相等呢D 打卡活動。
你既資訊會為其他人提更多第一身同即時既訊息，令到更多書展既好野比人發現到。
只要係Timeline既每一個Post 入面打 #書展2017 ，你既動態，就可以出現係主頁既書展2017 頁面入邊。
書展相關Tag:
#書展戰利品 #書展大發現 #書展隱世區 #書展分享會 #書展作家 #好書推介 #書買完書要賣書 #書商推介 #Sparktake在哪裡 #Sparktake書展
